Blendi Fevziu ‘kap mat’ Ogerta Manastirliun

21 janar 2021

Ministrja e Shëndetësisë Ogerta Manastirliu është shprehur se nuk ka asnjë lloj informacioni për diplomatin rus, Alexey Krivosheev që sot u shpall ‘non grata’ nga Ministria për Europën dhe Punët e Jashtme.

E ftuar në “Opinion”, e pyetur për shkeljet që kishte bërë diplomati rus, i cili sipas Ministrisë së Jashtme nuk kishte respektuar masat anti-Covid, Manastirliu tha se nuk dinte asgjë.

Madje ajo shtoi, se duhet të ishte lajmëruar më parë për këtë temë, në mënyrë që të përgatitej.

Pjesë nga biseda

Blendi Fevziu: Zonja Manastirliu, më thoni ju lutem, çfarë shkeljeje kishte bërë diplomati?

Ogerta Manastirliu: Zoti Fevziu, po të më kishit lajmëruar, do të isha përgatitur me çdo informacion, nuk i kam informacionet e nevojshme.

Gazeta Sot